Nainggolan kapet duke pirë cigare

18:56 | 10 Gusht 2019
Arbresh Info

Duket se rikthimi i Radja Nainggolan te Cagliari nuk ka ndryshuar aspak mesfushorin për shkak se tani është kapur nga kamerat duke pirë duhan.

Belgu iu bashkua së fundmi rivalit në Serie A nga Interi pasi “Nerazzurrët” bënë të qartë se ish lojtari i AS Romas nuk do të jetë në planet e tyre për sezonin 2019/20, transmeton portali arbresh.info.

Rikthimi i Nainggolan është pritur ngrohët nga tifozët e Cagliarit dhe duket se është adaptuar me shpejtësi me jetën në Sardinia ku është kapur edhe duke pirë duhan.

Mesfushori është parë i shoqëruar me bashkëlojtarët te Cagliari në një festival dhe pavarësisht numrit të madh të njerëzve, telefonat ishin të gjithë pas tij dhe lojtari nuk hezitoi aspak për të ndezur cigaren.

Sidoqoftë, Nainggolan nuk është lojtari i parë që është parë duke pirë cigare dhe padyshim se largimi i tij nga Interi ka të bëjë me stilin e jetës së tij jashtë fushe./arbresh.info/

https://twitter.com/cmdotcom/status/1160218046537097217

Shpërndaje në rrjete sociale

Lajmet më të lexuara

Të ngjashme

Foto lajm